അവസാനത്തെ ശില്പം Avasanathe Shilpam

ഉച്ചവെയില്‍ ചൂട് വിളയുന്ന നേരം നാട്ടിടവഴിയിലെ മാഞ്ചുവട്ടില്‍ മയങ്ങുന്ന മഞ്ഞച്ചേരയെ പരിഹസിക്കുന്ന പൂത്താംകീരികളുടെ കലപിലയും മുളങ്കാടിന്റെ മൂളിപ്പാട്ടും കേട്ടു , കല്ക്കിണറിലെ തണുപ്പിന്റെ ഉറവ മുക്കി കുടിച്ചു യാത്ര കഴിഞ്ഞു വരുന്ന സുഖമാണ് ശ്രീ അഷ്ടമൂര്ത്തിയുടെ അവസാനത്തെ ശില്‍പ്പം എന്ന കഥാ സമാഹാരം വായിച്ചവസാനിപ്പിക്കുമ്പോള്‍ കിട്ടുന്നത്. പൊലിമകളും വര്‍ണ്ണാഭയുമില്ലാത്ത ശുദ്ധമലയാളം. നാട്ടുമ്പുറത്തുകാരന്റെ മനസ്സ് പോലെ തെളിഞ്ഞ ആഖ്യാനം . മലയാള സാഹിത്യത്തിലെ ഇനിയും അവശേഷിക്കുന്ന നന്മയുടെ മുഖവരികളാകുന്ന കഥകൾ. ‍ .