ഇടപ്പിള്ളി ശിവൻ – ഇടറാത്ത വിശ്വാസക്കരുത്ത്

ശിവശങ്കരപ്പിള്ള എന്ന സഹൃദയനായ മനുഷ്യന്റെ, ഇടപ്പിള്ളി ശിവൻ എന്ന പോരാളിയുടെ ദ്വന്ദങ്ങളെ രേഖപ്പെടുത്താനുള്ള ശ്രമത്തിൻ്റെയും,  വിപ്ലവകാരിയായ ഒരച്ഛനെ അക്ഷരങ്ങളിൽക്കൂടി  മകൾ   വീണ്ടെടുത്തതിൻ്റെയും ഫലമാണ് ഈ പുസ്തകം.  അച്ഛനിലേക്കുള്ള ഒരു മകളുടെ വൈകാരികതയുടെ ജനൽനോട്ടം മാത്രമല്ലിത്, മറിച്ച്, സർഗ്ഗാത്മകതയും വിപ്ലവവും ഒരേപോലെ സന്നിവേശിപ്പിച്ച വേഷപ്പകർച്ചകളാണ്. സ്നേഹത്തിന്‍റെ  അക്ഷയപാത്രത്തിൽനിന്നും  നന്മയുടെ  കമ്മ്യൂണിസം  വിളമ്പിയ  സഖാവ്  ശിവശങ്കരപ്പിള്ളയുടെ  സമരചരിതങ്ങൾ പകർന്നുതരുന്നതോടെ ഈ പുസ്തകം ഒരു കാലഘട്ടത്തിൻ്റെ ചരിത്രം കൂടിയാവുന്നു.