നീലക്കപ്പ് Neelakkappu

തീരെ നിസ്സാരമെന്ന് തോന്നാവുന്ന ഒരു കാരണത്താൽ വീട്ടുകാരിയോട് പിണങ്ങി വീടുവിട്ടുപോകുന്ന ഒരച്ഛന്റെയും മകളുടെയും യാത്രയാണ് നീലക്കപ്പ്. അവർ കാണുന്ന കാഴ്ചകളും നടന്നുതീർക്കുന്ന വഴികളും കണ്ടുമുട്ടുന്ന മനുഷ്യരും അവർക്ക് പാഠങ്ങൾ നൽകുന്ന പ്രകൃതിയുമാണ് ഈ കുഞ്ഞുപുസ്തകത്തിലെ നിറവുകൾ. വീട്ടിലായിരുന്നപ്പോൾ അവരുടെ ജീവിതം അവർക്ക് മടുപ്പും സങ്കടങ്ങളും നൽകിയെങ്കിൽ മടങ്ങിയെത്തുമ്പോൾ വീട് അവർക്കൊരു പുതിയ വീടായിരുന്നു. ഇനിയവർ വീട്ടിൽനിന്ന് കാണുന്ന ലോകം പുതിയൊരു ലോകവും.