പലായനത്തിലെ മുതലകൾ Palayanathile Muthalakal

ചുറ്റും കാണുന്ന ദുരന്തമയമായ ജീവിതക്കാഴ്ചകളുടെ കറുത്ത ഫലിതം കലർത്തിയ കഥാവിഷ്‌കാരങ്ങളാണ് ശ്രീകണ്ഠൻ കരിക്കകത്തിന്റെ ‘പലായനത്തിലെ മുതലകൾ എന്ന സമാഹാരത്തിലേത് .പുതിയ കാലത്തെ പുതിയൊരു ഭാഷ കൊണ്ട് മാത്രമേ അഭിസംബോധന ചെയ്യുവാനാകൂ എന്നൊരു ബോധ്യത്തോടെ സ്വരൂപിച്ചെടുത്ത , ഇക്കഥകളിലെ തീഷ്ണവും ചടുലവുമായ കഥനഭാഷയ്ക്ക് സവിശേഷമായ തനിമയും കലാപകരമായ സൗന്ദര്യവുമുണ്ട് .അത്തരമൊരു അപൂർവ്വതയും അനന്യതയും പ്രസ്തുത കഥകളിലെ പ്രമേയകല്പനകളിലും കാണുവാൻ കഴിയും . സാമൂഹ്യജീവിതത്തിലെ ശ്രേണീഭിന്നതകൾ വഴിയായി മനുഷ്യമനസ്സുകൾ അനുഭവിച്ചു പോരുന്ന ആത്മസംഘർഷങ്ങൾ വിമർശനാത്മകമായ ധ്വനിശേഷിയോടെ ഭാവനാത്മകമായി ആവിഷ്കരിക്കപ്പെട്ടിട്ടുള്ള കഥകളെന്നും ഇക്കഥകളെ വിശേഷിപ്പിക്കുവാനാകും .