സുഹാസിനിയുടെ പ്രേതം Suhasiniyude Pretham

വിശദാംശങ്ങൾക്ക് കൊടുക്കുന്ന പ്രാധാന്യം, താരതമ്യേന ദീർഘമായ ദൃശ്യാഖ്യാനം, കഥാപാത്ര നിർമ്മിതി എന്നിവയാണ് ജിത്തുവിന്റെ കഥകളുടെ പൊതുരീതി. പ്രഥമ കഥാസമാഹാരമായ ‘സുഹാസിനിയുടെ പ്രേതം’ എട്ടു രസകരമായ കഥകളുടെ സമാഹാരമാണ്. ബോറടിപ്പിക്കാതെ പിടിച്ചിരുത്തി കഥ പറയുന്നതിലാണ് എഴുത്തുകാരൻ ശ്രദ്ധിക്കുന്നത്. കഥ പറച്ചിലിന്റെ ഒരു സുഖം അതിലുണ്ട്. ആത്യന്തികമായി പലതരം മനുഷ്യരിലാണ് ഈ കഥകൾ ചെന്നു തൊടുന്നത്. നമ്മുടെ ചുറ്റും നാം എപ്പോഴെങ്കിലും കണ്ടുമുട്ടിയിട്ടുള്ള ആളുകൾ, പരിസരങ്ങൾ ഒക്കെ തന്നെ.