ഹിമഗന്ധം പുരണ്ടൊരു ജീവിതവും കവിതയും Himagandham

പ്രിയകവി വിഷ്ണുനാരായണൻ നമ്പൂതിരിയുടെ കവിതയും ജീവിതവും യാത്രകളും കാഴ്ചപ്പാടുകളും രേഖപ്പെടുത്തുന്ന പുസ്തകം. ഇതൊരു നിരൂപണ ഗ്രന്ഥമല്ല. അഭിമുഖവുമല്ല. കവിയോടൊപ്പം നടന്നും അദ്ദേഹത്തെ വായിച്ചും സൂക്ഷ്മമായ ചോദ്യങ്ങളിലൂടെ കവിയൂടെ ഉള്ളിലേക്ക് കടന്നും പകർത്തിയെഴുതിയ പുസ്തകമാണ്. തൻ്റെ വ്യക്തിജീവിതവും കാവ്യജീവിതവും കവി അടയാളപ്പെടുത്തുന്നു. ഒപ്പം അദ്ദേഹം നേരിട്ട പ്രതിസന്ധികളും അദ്ധ്യാപകവേഷമൂരി വച്ചശേഷo അണിഞ്ഞ വേഷങ്ങൾ സമ്മാനിച്ച മനോവേദനകളും തുറന്നു പറയുന്നു. വിഷ്ണുനാരായണൻ നമ്പൂതിരിയുടെ ഹിമാലയ യാത്രകളും സവിശേഷമായി കടന്നു വരുന്നു. മലയാളത്തിൻ്റെ പ്രിയ കവിയിലേക്കുള്ള ഹൃദയസഞ്ചാരമാണീ പുസ്തകം

എം ടിയുടെ ഹൃദയത്തിലൂടെ എന്ന പുസ്തകത്തിൻ്റെ രചന നടത്തിയ മുരളിസാറിൻ്റെ മറ്റൊരു മനോഹര വാങ്മയം