Gooddam ഗൂഢം

ചമയങ്ങളില്ലാത്ത മനുഷ്യർ നമ്മുടെ മുൻപിൽ വന്നുനിന്ന് ജീവിതം പറയുന്ന കഥകളുടെ സമാഹാരം. നാം കാണാതെപോകുന്ന മനുഷ്യർ, നാമറിയാതെ പോകുന്ന സന്ദർഭങ്ങൾ, നാം പാർശ്വവൽക്കരിച്ച വർഗ്ഗങ്ങൾ, കണ്ണീർത്തുള്ളിപോലെ ഉറഞ്ഞുപോയ ജീവിതം അതിന്റെ സ്വന്തം ഭാഷയിൽ സംസാരിക്കുന്ന കഥകൾ. എത്രയൊക്കെ നാം ആട്ടിയകറ്റിയാലും പിന്നെയും പിന്നെയും നമ്മുടെ കൺമുന്നിലേക്ക് തിരികെവരുന്ന സത്യങ്ങൾ. സാധാരണമായ ജീവിതത്തിലെ അസാധാരണമായ നടുക്കങ്ങളെയും ദർശനങ്ങളേയും തനതുഭാഷയിലും ആഖ്യാനത്തിലും കോർത്തുവെയ്ക്കുന്ന കഥകൾ. വായിച്ചാൽ നാം അതിൽ പെട്ടുപോകുമെന്നതിൽ തർക്കമില്ല. ജീവിതത്തിന്റെ അടിത്തട്ടിലേക്ക് ഫോക്കസ് ചെയ്ത ഒരു കൂട്ടം കഥകളുടെ സമാഹാരം.